Бројот на загинати од земјотресот во Турција надмина 8.300, откако повеќе од 2.400 беа пријавени во Сирија, објави новинската агенција АФП.
Турскиот претседател Реџеп Таип Ердоган прогласи тримесечна вонредна состојба во 10-те најпогодени провинции.
Во координација со турските власти помош пристигнува од сите страни на светот. Од Индија се испратени стотина спасувачи, како и медицински екипи. Јапонците испратија 73 спасувачи со опрема и храна во Турција, а Британците 76 спасувачи и медицински тим.
Обединетите Арапски Емирати ќе основаат теренска болница во Турција, а спасувачите се испраќаат и во Турција и во Сирија. Итна помош ќе биде испратена во деловите на Сирија кои се најпогодени од земјотресот. Саудиска Арабија, Ирак и Катар исто така испраќаат помош за двете земји.
Шпанија испрати воен авион со пожарникари и опрема, како и персонал од Министерството за одбрана да работат заедно со спасувачите. Испрати и два воени брода со помош и 500 маринци. Полска испрати 76 пожарникари и осум кучиња спасувачи.
IN PICTURES: Major earthquake has struck Turkey and Syria, knocking down entire buildings and trapping people under huge piles of rubble https://t.co/HdJhbYiCpG pic.twitter.com/P9zltgwS4Z
— Bloomberg (@business) February 6, 2023
Ватикан досега има собрано половина милион евра итна помош.
Германија вети дека ќе постави опремени кампови, со вода, генератори, шатори и ќебиња, во координација со турските власти.
Канадскиот премиер Џастин Трудо вети 10 милиони канадски долари помош и најави натамошна помош. Слична сума одлучила и Австралија, која испраќа и спасувачка екипа, која на местото на настанот ќе пристигне до крајот на неделата.
Русија подготви два авиона со 100 спасувачи подготвени да полетаат за Турција веднаш штом Анкара тоа го побара.
Помош ветија и Израел, Грција, Швајцарија и Норвешка.
