После средбата на актерите Џенифер Анистон (51) и Бред Пит (56) на доделувањето на овогодинешните САГА награди , тие сега наводно планираат романтична венчавка во Мексико.
Поминаа 15 години од разводот на Бред Пит и Џенифер Анистон, еден од омилените холивудски парови чија љубов и денес многумина не можат да ја заборават и го сакаат нивното смирување.
Нивните обожаватели беа пресреќни кога започнаа озборувањата за нивно смирување, посебно откако се сретнаа во Лос Анџелес, а нивните насмевки и допири ги забележаа камерите на присутните фоторепортери.
Еден од блиските пријатели на актерите за „The Mirror“ откри дека пред фамозната средба на црвениот тепих, тие уживале на најмалку 5 тајни состаноци и заедно ги поминале Божиќните празници во домот на Џенифер.
„Мислам дека таа никогаш не престана да го сака, иако ѝ го скрши срцето и ја остави поради Анџелина Џоли. Требаше многу време да му прости сè, а простувањето е голем чекор за сè да продолжи понатаму“, откри близок пријател.
Според пишувањата на „Life&Style“ парот се спрема својата љубов повторно да ја потврди со венчавка и тоа на една плажа во мексиканскиот Кабу.
„Бред сега најмногу сака да се скраси и да живее среќно со својата сродна душа Џенифер“, изјави изворот.
Според пишувањата на магазинот, неговите родители се воодушевени од одлуката и очекуваат дека на денот на венчавката ќе имаат голема улога, заедно со најдобрата пријателка на Џенифер, Кортни Кокс и пријателот на Бред, Бредли Купер.
„Сакаат сè да биде романтично и убаво. Венчавката ќе биде духовна и самите ќе ги напишат своите завети“, откри изворот и даде нова надеж за сите оние кои веруваат во смирувањето на своите омилени актери.
