Поранешната спортистка ужива во бременоста, но медиумите тврдат дека има ситни грижи како и секоја трудница.
Откако што организираа величествена венчавка кон крајот на ноември минатата година, Вељко Ражнатовиќ и неговата прекрасна избраничка Богдана конечно се опуштија и сега уживаат во исчекувањето на своето прво дете.
Убавата снаа на Цеца Ражнатовиќ изгледа прекрасно и се чувствува одлично, а извор близок на семејството тврди дека Богдана малку ја мачи високиот притисок.
„Богдана никогаш не се жали, многу е способна и силна девојка и откако забремени никој не ја слушна како се жали. Не е пребирлива, тешка ниту напорна како повеќето трудници. Бременоста одлично ѝ напредува, редовно оди на контрола, но во последно време почесто мора да мери крвен притисок, кој во бременоста расте, што е нормално, но неа тоа ја вознемирува и веднаш се загрижува“, тврди изворот за Свет.
„Лекарите велат дека после 20-та недела од бременоста ова е вообичаено и дека притисокот со тек на време се враќа во нормала после породувањето, но дека мора да се прати“
Изворот додава дека младата трудница не сака членовите од семејството премногу да се грижат за оваа ситница.
„Богдана затоа држи апарат за мерење притисок, но ниту на Вељко ниту на Цеца не сака да им каже доколку е висок. Знае дека Вељко би се вознемирил, а таа не сака да го загрижува пред битките, ниту на свекрвата да ѝ ги пореметува деловните и приватните планови со тоа што ќе сака секоја секунда да биде покрај неа дома. Доволно и е што во бременоста се откажала од работата, а навикната е да биде активна“, вели изворот.
