Јована Љубисављевиќ, поранешна мисица и учесничка на реалното шоу „Задруга “, неодамна ја изненади јавноста со тајната венчавка со поранешното момче на Цеца Ражнатовиќ , Богдан Срејовиќ. Тие се венчаа во манастирот Грачаница во најтесниот круг на луѓе, а сега планираат голема прослава по повод чинот.
Откако неодамна ја објави и потврди веста дека е бремена, Јована сега се огласи на Инстаграм за да ги замоли своите следбеници да препорачаат производител на торти за нивната голема прослава.
За потсетување, Јована по венчавката сподели и прекрасна фотографија на која Богдан го бакнува нејзиниот стомак, како и првата слика од ултразвукот. Таа со пораката „Бебе е на пат“ откри дека се пресреќни поради доаѓањето на детето. Богдан подоцна сподели видео од откривањето на полот на бебето, кога дознаа дека имаат момче.
