Возилото било опкружено со околу 130 сантиметри снег.
Најмалку 63 лица загинаа во снежната бура во САД, меѓу кои и 22-годишната Андел Тејлор.
Тејлор била заробена во својот автомобил цели 18 часа. Возилото било опкружено со околу 130 сантиметри снег. Таа го испратила своето последно видео од автомобил на своето семејство ден пред да биде пронајдена мртва.
Нејзината мајка вели дека таа починала од труење со јаглерод моноксид, иако официјалната причина за смртта сè уште не е позната. Во видеото кое го испратила до своето семејство, Тејлор вели дека е исплашена и им го покажала снегот.
Семејството на настраданата девојка живее во Северна Каролина и изјавило дека не знаат колку е силна бурата што го зафати Њујорк и источниот дел на Соединетите Американски Држави.
– Не сум сигурен дека некој од нас знаел колку е сериозна ситуацијата. Не гледавме вести, не знаевме што се случува во Бафало. Имам чувство дека сите што отишле да ѝ помогнат не успеале. Пожарникарите, полицијата… сите потфрлија – рекла сестрата на жртвата.
Anndel Taylor, 22, died in her car after being trapped by Buffalo blizzard while driving home from work. She was found after 18 hours. She sent her family this final video from inside the car. pic.twitter.com/w8GBwR9UOm
— Mike Sington (@MikeSington) December 27, 2022
