Пејачката Александра Пријовиќ најави дека по последниот концерт во Белград, за кој подготвува нешто досега невидено, ќе пее и за новогодишната ноќ и после тоа ќе се повлече од јавната сцена. Прија за една година одржала 67 големи концерти, а бидејќи освен настапи има и други обврски, не е чудно што поради преголем умор завршила во болница.
На Александра ѝ се слошило минатата недела, па Филип Живојиновиќ брзо ја однел до Ургентниот центар. Ја земале крвта и виделе дека нема доволно железо и дека мора да го промени начинот на исхрана и да се одмори.
Ја ставиле на инфузија за да ја зајакне, а Филип навистина се налутил и пред докторот ѝ рекол дека е многу загрижен и дека мора да размислува за себе и за своето здравје. Уште кога започна турнејата на Прија, таа почна да слабее бидејќи јаде помалку од порано и често ѝ паѓа имунитетот. Како што пишуваат српските медиуми Пријовиќ морала да добие специјални витамини од Америка за да го зајакне имунолошкиот систем и да биде во полна сила пред концертот во Белград.
