Легендата на народната музика, Халид Бешлиќ, почина на 7 октомври оваа година. За покојниот пејач сите имаат само пофални зборови, вклучително и неговиот доктор Владо Ѓајиќ, директор на УКЦ на Република Српска, кој раскажа како му го спасил животот, но и за нивното големо пријателство.
– Успеав со навремена дијагноза да откријам големо стеснување на најважниот крвен сад во вратот на Халид, бидејќи, ако не го сторев тоа, ќе доведеше до тежок мозочен удар со несогледливи последици. Спасувањето животи за мене не е само работа, тоа е моја должност, мој повик и најдлабок израз на човечност. Така му го продолжив животот на Халид. А тој, како и сите големи луѓе, најмногу зборуваше за себе преку својата скромност, добрина и хуман однос кон луѓето. Она по што беше посебен е тоа што не правеше разлика меѓу богати и сиромашни пееше исто и за пет и за 20.000 луѓе – истакна д-р Ѓајиќ.
