– Во текот на вечерните часови, како и во текот на претстојната ноќ, но и утре на повеќе места ќе продолжат повремените врнежи од дожд. Локално врнежите ќе бидат ПОИНТЕНЗИВНИ, и тоа особено во западните предели и на некои места ќе наврнат над 20 л/м2 воден талог. Локално ќе има услови за нестабилност, проследена со пороен дожд, грмежи и засилување на ветерот, вели метео прогнозерот Славчо Попоски.
Температурите ќе бидат потпросечни за овој дел од годината и утре ќе се искачуваат во интервалот само од 13 до 20 степени.
Според Попоски во петок ќе има услови за локален краткотраен дожд и ретки грмежи, додека за време на викендот ќе има стабилизирање на времето.
Наутро температурите ќе бидат ЗНАЧИТЕЛНО пониски и под просекот и на некои места ќе се спуштат дури до околу 0 степени.
Од друга страна пак, максималните температури ќе бележат тенденција на не многу голем пораст и ќе се искачуваат во интервалот од 17 до 24 степени.
– Во Скопје и околината исто така ќе има услови за повремени врнежи од дожд во текот на ноќта и утре, додека од петок па натаму ќе има постепено стабилизирање на времето. Температурите ќе се искачуваат во интервалот од 20 до 23 степени, вели популарниот метео прогнозер Попоски.
