Вечерва (26.ноември) со почеток во 20 часот во Театар Комедија ќе се изведува претставата „Вишновата градина“ во режија на Владимир Мичин.
„Вишновата градина“ е драма за транзицијата, за неподносливата леснотија на пропаѓањето на општеството и цивилизацијата.
Алчноста на новозбогатените криминалци безмилосно го уништува човештвото уништувајќи ја неговата колевка, Земјата, уништувајќи ја природата и сè што живее во неа. Она што вџашува е немоќта на луѓето да се противстават, да ја одбранат културата и природата, да ги одбранат вредностите на цивилизацијата пред новите варвари. Прогресот не е гарантиран. Тркалото на историјата стигна до пролетерската револуција, но од неа се изроди новата класа манипулатори чија алчност не знае за граници.
„Вишновата градина“ е сценска минијатура во најубавото значење на зборот, во нејзините камерни димензии се содржи трагедијата на светот во кој живееме.
Билетите за претставите изнесуваат 300 денари, а достапни се преку bileti.mkc.mk и на билетарница во МКЦ.
