– Во текот на оваа ноќ, особено во северните предели ќе има услови за слаб локален дожд, додека од утре па натаму времето ќе биде променливо облачно со сончеви периоди. Утре ќе дува умерен, повремено засилен ветер од северен и од северозападен правец, најизразен Долж Повардарието и во источните предели, вели нашиот метео прогнозер Славчо Попоски.
Под влијание на постудена воздушна маса од север, од утре па натаму максималните температури ќе бидат пониски и ќе се искачуваат во интервалот од 10 до 18 степени, додека во текот на следната седмица наутро ќе биде ЗНАЧИТЕЛНО ПОСТУДЕНО, кога минималните температури понекаде ќе се спуштаат и под нулата, односно истите ќе се спуштат и до околу -2, -3 степени.
– И во Скопскиот регион од утре па натаму времето ќе биде променливо облачно со сончеви периоди. Утре ќе дува умерен, повремно засилен ветер од северен правец, додека температурите ќе бележат тенденција на пад и максималните дневни ќе се искачуваат до околу 15 степени, додека наутро, особено од почетокот на следната седмица истите ќе се спуштаат до околу 2, 3 степени над нулата, што значи ќе биде релативно СТУДЕНО, продолжува Попоски.
