– Како што веќе кажавме, од утре па сè до петок и тоа под влијание на стабилна, сува и топла воздушна маса од југ, времето во Македонија ќе биде стабилно, суво и сончево со мала до умерена локална облачност, најавува нашиот метео прогнозер Славчо Попоски.
Според Попоски, ќе дува слаб до умерен ветер од променлив правец, додека температурите ќе се искачуваат во интервалот од 14 до 20 степени.
Во Скопје и околината, во следните неколку денови времето ќе биде сончево и релативно топло со мала локална облачност и со слаб до умерен ветер од променлив правец, додека температурата ќе се искачува помеѓу 16 и 17 степени.
– Нова промена на времето, која ќе донесе нови врнежи, како и пад на температурите на воздухот се очекува за време на викендот, но детална анализа околу ова следува понатаму, потенцира метео прогнозерот.
