– Утре времето ќе се задржи претежно стабилно и суво, односно сончево со умерена локална облачност. Наутро ќе биде студено и минималните температури ќе се спуштаат во интервалот од -7 до 0 степени, додека максималните ќе се искачуваат во интервалот од 4 до 12 степени, вели нашиот метео прогнозер Славчо Попоски.
Во Скопје и околината времето ќе биде сончево со умерена локална облачност. Наутро ќе биде студено и минималната температура се очекува да се спушти до околу -2, -3 степени, додека максималната ќе се искачи до околу 9 степени.
Според Попоски, потоа под влијание на нов влажен бран, во петок како и за време на викендот ќе има нови повремени врнежи од дожд, додека на планините врнежите ќе бидат од снег. Во петок ќе дува умерен, повремено засилен ветер од јужен правец. Температурите ќе се искачуваат во интервалот од 6 до 13 степени. Нешто пониски температури повторно ќе имаме за време на викендот и истите ќе се искачуваат во интервалот од 4 до 10 степени.
