– Како што најавивме, од утре па натаму и тоа под влијание на постуден воздух од север, ќе имаме пониски температури на воздухот и истите наутро понекаде ќе се спуштат до околу -2 степени, додека максималните ќе се искачуваат во интервалот од 9 до 16 степени. Времето ќе биде променливо облачно со сончеви периоди, најавува метео прогнозерот Славчо Попоски.
Според Попоски, локално ќе има и позначителна облачност, додека утре на југоистокот ќе има услови за слаб локален дожд. Ќе дува слаб до умерен ветер претежно од југоисточен правец, и истиот на некои места ќе засилува на интензитет, особено утре.
Во Скопскиот регион во следните денови времето ќе биде променливо облачно со сончеви периоди и со слаб до умерен ветер претежно од југоисточен правец. Наутро температурите ќе се спуштат до околу 1 степен, додека максималните ќе се искачат до околу 13 степени.
