Супер брзи се, лесни, без сукање, месење, тегнење и слично.
Еспресо.мк започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на Инстаграм профилот (martinascookingg) .
Готви од мала, а со текот на годините и искуството научила дека најважна состојка во секое јадење е – љубовта.
Денес Мартина ни носи превкусен рецепт за брзи банички.
Потребни состојки:
- 400 гр готови кори
- 1 шолја вода
- 1 пециво
- 1/2 шолја масло
Потребни состојки за филот:
- спанаќ
- сирење
- јајца
– Кај мене се многу често на мени затоа што буквално се спремаат за 15 минути, а се супер ужина или ручек, вели Мартина.
Подготовка:
Најпрво во посебен сад измешајте вода (обична или кисела), масло и пециво.
За една баничка ви се потребни 2 готови кори. Ставете ги една врз друга. Ставете 2-3 лажици од смесата со вода и масло. Премачкајте со дел од филот (јас пола ги направив со пица фил, пола со сирење и јајце). Завиткајте и оформете. Редете ги на хартија за печење, премачкајте ги со изматено јајце и дел од смесата кој ви остана за премачкување и наросете сусам. Печете ги во загреана рерна на 180 степени околу 15/20 минути.
View this post on Instagram
