Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи кокос торта – готова за 15 минути. Оваа торта е совршена идеја кога ќе ви дојдат ненајавени гости или ви се јаде нешто благо.
Потребни состојки:
Кора:
- 300 гр мелени бисквити
- 250 мл сварено какао
- 50гр маргарин или путер
Фил:
- 600 мл млеко
- 150 гр шеќер
- 150 гр кокос
- 100 гр гриз
Глазура:
- 100-150 гр чоколадо
- 100 мл млеко
- 50 гр маргарин или путер
View this post on Instagram
Подготовка:
За подлогата измешајте ги мелените бисквити со свареното какао и растопениот путер или маргаринот или путерот. Смесата натапкајте ја на калап за торти. За филот ставете го млекото да зоврие со шеќерот, па додадете го гризот. Поварете дури се згусне додадете го кокосот и истурете го филот врз кората. За глазура ставете се во сад на пареа и растопете заедно, па прелијте врз тортата. Оставете убаво да се излади и послужете!
