Денес разговараме со Милица Васиљковиќ-Николиќ, хемиски техничар, која подолго време се бави со одгледување на цвеќиња за бавча, додека на собните цвеќиња е посветена во последниве пет-шест години.
Но тоа што ја прави посебна оваа цветна дама е и љубовта кон гоблените, на кои често доминираат цветните мотиви.
– Дворот го средуваме јас и сестра ми. Овој во Скопје не е многу голем, но затоа пак, дворот во Село, кадешто имаме семејна викендичка располага со 700 квадратни метри – објаснува Милица.
Во дворовите на Мими доминираат криновите, сончогледите, розите во најразлични бои и нијанси…, додека во домашна атмосфера тука се преубавите собни цвеќиња – од хибискуси до хоји, орхидеи и ретки филадендрони.
Вели дека секојдневно им посветува доволно време на своите убавици, особено на собните кои секојдневно ги конторлира и со кои секојдневно се дружи. А омилено цвеќе ѝ е хибискусот бидејќи – „мајка ми ги сакаше и ме подсетуваат на неа“.
Ја прашуваме нашата соговорничка за совет кој би го споделила со оние кои сакаат да почнат да се занимаваат со одгледување на цвеќе, а таа ни одговара:
– Мој совет е да внесат живот во домот за никогаш да не паднат во депресија, особено во ова време на коронакриза. Нека изберат цвеќе по свој вкус и нека прочитаат на „гугл“ за секое цвеќе како се одгледува. Јас ги сакам ретките цвекиња.
И љубовта кон везењето, Мими ја наследила од мајка си, а нејзините гоблени и милјеа, дел од нив изработени со мајка ѝ, навистина заслужуваат посебно внимание.
Инаку, Милица е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО – ПРИВАТНА АРХИВА
