Со песната „100 пати на ден“ победи на 34-то издание на Фестивалот на забавни мелодии „Макфест 2019“ . Младиот кумановец и оваа година ќе ѝ ги подари на макфестовската публика, најубавите емоции.
– Конкуренцијата е совршена – ни открива Мартинијан Кириловски кој вечерва настапува во финалната вечер на ,, Макфест” 2021.
Со оглед на твоето искуство на сцената, колку време се подготвуваше за оваа вечер?
– Подготовките започнаа многу одамна…Прво, со снимањето на песната. Додека авторите Ристо Самарџиев и Давор Јордановски работеа на композицијта, паралелно, јас со екипата од Куманово работевме на видео запис за истата. Успеавме сè навреме да завршиме и презадоволен сум! Морам да ја спомнам одличната соработка со двата тима. Последните денови пред „Макфест“ се сконцентрирав на песната, ја слушав и пеев, на сценски настап, но и работев на мојот стајлинг. Ете, тоа е најкратко кажано за моите подготовки.
Како се чувствуваш, има ли страв, предизвик, очекувања…?
– Ух,и тоа премногу!
Каква е песната со која ќе се претставиш пред публиката?
– Песната се вика „ВИСТИНА“ и станува збор за балада, но сепак брза латино-ориентална варијанта.
Какви се твоите очекувања за фестивалот?
– Прво, сакам песната да ја преставам во најдобро светло, да биде прифатена од публиката и да биде сè совршено. Како и кај секој учесник така и кај мене постои надеж да се пласира на повисоко место, а зошто да не и награда, (се смее, н.з). А фестивалот е совршен во организацијата и работата.Секоја чест!
Секогаш си сам на сцената, па дали за вечерва подготви нешто ново?
– Оваа година не сум сам. Имаме осмислено сценски настап која ќе внесе свежина во програмата. Ќе видите.
Чувствуваш ли дополнителен притисок и одговорност знаејќи ја важноста од учество на најпрестижниот македонски фестивал?
– Преголема одговорност чувствувам кон фестивалот и штипската публика. Уште од 2013 година, ме прифатија, ми ја дадоа нивната поддршка и секогаш кога настапувам на фестивалот сакам да се претставам во најдобро светло и нивните очекувања да ги исполнам.
