Во Албанија потврденi се девет нови случаи на заразени со коронаврус, меѓу кои и еден лекар и три медицински сестри, со што бројот се зголеми на 51 лице.
-Во последните 24 часа се тестирани 31 сомнително лице, меѓу кои и здравствени работници. Позитивен е резултатот кај девет од тестраните, меѓу нив еден лекар и три медицински сестри во болницата „Шефќет Нроќи” каде што вчера беше потврден „Ковид-19″ кај двајца лекари. До сега тестирани се 563 лица при што потврдено е дека 51 лице е заразено.Од нив една жена од Драч на 11 март почина, рече Мира Ракацоли заменик министерка за здравство на редовната прес конференција.
Најголем број од заразените или 34 лица се од Тирана, шест се од Фиер, пет се од Драч (заедно со починатата жена), а по две лица се од Љушња, Елбасан и Рогожина.
Според Ракацоли, тројца од пациентите се на интензивна терапија,еден од нив е на респиратор, додека останатите пациенти засега се во стабилна состојба.
-Го повторувам апелот до граѓаните да ги почитуваат препораките, да седат дома, да не одат во посета на болни, ниту во домашни услови, ниту во болниците. Посебен апел до оние над 70-годишна возраст: Ве молам седете дома, порача Ракацоли
The post Во Албанија регистрирани девет нови случаи, вкупно 51 лице заразено со коронавирус appeared first on Слободен печат.
