План за постепено олабавување на мерките заради пандемијата со коронавирусот стапува на сила во Ирска.
Продавниците, музеите, фризерниците, фитнес клубовите и библиотеките повторно ќе бидат отворени. Од 4 декември, рестораните и пабовите што служат храна исто така ќе ги отворат вратите за посетители. Сепак, баровите кои нудат само алкохолни пијалоци ќе продолжат да работат единствено со достава до домовите.
Од 18 декември до 5 јануари ќе се воведат уште поголеми олеснувања, а целта е граѓаните да можат да ги прослават претстојните празници. Во овој период, слободното движење ќе биде дозволено низ целата земја, но на прославите ќе можат да присуствуваат членови на најмногу три семејства.
Според Националната здравствена служба, мерките за штедење го запреле вториот бран на епидемијата, а во моментов Ирска и Финска се единствените земји на ЕУ кои не регистрираат зголемување на нови случаи за период од две недели. Во Ирска во понеделникот беа пријавени 306 нови случаи на КОВИД-19 и еден смртен случај поврзан со инфекцијата. Вкупниот број на заразени Ирци од почетокот на пандемијата е 72.544, а бројот на смртни случаи е 2.053.
Текстот е преземен од slobodenpecat.mk со претходна дозвола од порталот.
