Братучедите Марија (25) и Методи Витанов (26) утринава загинале во сообраќајна несреќа која се случила во Пјаченца, Италија. Нивниот автомобил „клио“ од засега непознати причини удрил во дрво. Автомобилот веднаш се запалил и двајцата братучеди не можеле да излезат.
Марија Витанова, според италијанските медиуми, била во посета на Италија во посета на роднини. Вчера била излезена со својот братучед. Несреќата се случила на пат кон неговата куќа.
Според пишувањата во италијанските медиуми, местото каде се случила собраќајната несреќа важи за кобно место на кое за десет дена се случиле три сообраќајни несреќи со фатални последици.
Се шпекулира дека братучедите кои загинале во сообраќајната несреќа се ќерката и внукот на македонскиот конзул во Италија, Стојан Витанов.
The post Двајца братучеди од Македонија загинаа во Италија appeared first on Слободен печат.
