Имаше очекувања од релевантни експерти дека топлото време би ни помогнало. И тоа не беше лаички став. Но, се испостави дека тоа не е така. Пролетта силно е напредната и во сите земји во северната хемисфера имавме зголемен раст и на температурите и на бројката на заболени. СЗО имаше изјава дека минатата недела имаше рекорд на заболени на светско ниво, изјави за „Утрински брифинг“ на „Слободна ТВ“ д-р Александар Митов.
Вирусот се враќа во Европа, па според потребите се прилагодуваат и начините на лекувања.
-Сметам дека треба да прифатиме дека многу работи не знаеме, дека многу работи ќе се сменат, и најголемите светските научници се со став дека треба да се биде претпазлив и да видиме што ќе се случи. Во Европа вирусот многу брзо се враќа, доколку конците се испуштат од контрола. За експертите е карактеристично дека при евентуална промена на доказите, би дошло до евентуално менување на ставот. Тие луѓе носат одлуки исклучиво на научни студии од различни земји. Како се следи однесување така и се прават промените.
Она што за јавноста како порака би го пратил е дека сите медицински препораки и начини за лекување периодично се менуваат. Ние имаме и како обврска да ја следиме таа редовна динамика на менување на лекувањето. Тоа не треба никого премногу да го чуди, вели д-р Митов.
Проследете го целото гостување на д-р Александар Митов во „Утрински брифинг“ на „Слободна ТВ“:
The post Д-р Митов: Во Европа вирусот многу брзо се враќа доколку конците се испуштат од контрола (ВИДЕО) appeared first on Слободен печат.
Д-р Митов: Во Европа вирусот многу брзо се враќа доколку конците се испуштат од контрола (ВИДЕО) was first posted on јуни 9, 2020 at 9:13 am.
