Пејачката Рада Манојловиќ во интервју за српските медиуми отворено зборувала за односите на естрадата и за тоа како колегите ја доживуваат.
Таа открила дека често е на мета на своите колешки, а потенцирала и оти голем дел од музичарите користат опијати и наркотици.
– Голем број на мои колеги едноставно мораат да консумираат и алкохол и дрога. Работата која носи константна интеракција со луѓе знае да исцрпи и да го промени човекот. Никој не оспорува дека оваа работа е тешка, како што никој не оспорува дека некои колеги мораат да земат нешто за да ги „крене“ затоа што не можат да ги издржат напорните патувања, настапи, обврски и се што носи оваа работа. Ги разбирам, но не ги поддржувам – изјавила пејачката, па додала:
– Јас сум меѓу ретките кои не консумираат дрога. Никогаш не ми паднало на памет да ризикувам со несакани супстанци. Луда сум и без дрога и алкохол, не би било паметно да почнам со тоа, ќе ме најдете качена на некое дрво – се пошегувала пејачката.
