Мари Фредриксон, пејачката на познатата група „Роксет“ почина во 62-та година од животот по долгата и тешка болест, тумор на мозокот, која ѝ е дијагностицирана во 2002 година.
„Со голема тага јавуваме дека една од нашите нагјолеми и најсакани уметници повеќе ја нема. Фредриксон почина утрото на 9 декември од последиците на болеста“, пишува во соопштението од семејството.
Мари зад себе ги остави сопругот Микаел Болиос и двете деца, ќерката Инез Џозефин и синот Оскар.
Ќе остане запаметена по хитовите „It must have been love“, „Joyride“, „The look“, „Listen to your heart“ и многу други.
