Пенелопе Круз се појави на ревијата на „Шанел“, Metiers d’art во Париз, каде што се претставени новитетите за 2020 година.
Таа облече мал црн фустан и привлече огромно внимание со својот гламурозен изглед. Станува збор за мини, деколтиран фустан на Виржина Вијар, креативната директорка на „Шанел“ и некогашната десна рака на Карл Лагерфелд.
Комбинацијата е од тул и свила, со здолниште во балерина-крој, кое е погодно за визуелно истенчување на струкот, на што придонесе дискретниот сребрен ремен. На нозете носеше сандали во црна боја. Малата црна чанта само го надополни овој едноставен, но многу гламурозен изглед.
