Битката со коронавирусот ја доби и младата пејачка Теа Трајковска. Таа вечерва на својот профил на Инстаграм со своите следбеници сподели за горкото искуство со овој вирус.
Нејзиното искуство со коронавирусот, ќе го споделиме во целост, еве што напиша таа:
– Covid FREE selfie
Се мислев дали воопшто да го споделам ова тука, ама сметам дека е важно да се биде искрен и дека такa треба да се користат ваквите платформи, а не селективно прикажување на симпатичните, романтичните и инстаграм-естетските животни моменти.
Последниов месец беше real-life ролеркостер во секоја смисла.
Денес, благодарна сум што сме сите на број, благодарна сум што не заразив никого бидејќи се изолиравме неколку дена порано и благодарна сум што поминавме низ ова без поголеми последици
Ситуацијата е пререална, никој од моите блиски кои иницијално се заразија не знаат од каде/кого и покрај придржувањето до мерките и внимавањето и што е најчудно дел од нас бевме негативни на првиот тест.
Чувајте се и заштитете ги повозрасните околу вас – напиша Трајковска на својот профил на Инстаграм.
