Првиот Европски атлас на политики за неплодност беше претставен пред Европскиот парламент. Преку интерактивна мапа беа презентирани интегрираните податоци за пристапот и политиките за третман на неплодност на европско ниво.
Атласот ги сумира податоците за земјата во три сегменти кои го оценуваат пристапот и политиката на лекување на неплодност – законодавната рамка, финансирањето на лекувањето преку здравствениот систем и искуството на пациентот.
Според овие показатели, најдобри резултати имаат Белгија, Израел и Холандија со 86% од вкупните бодови. Со 76% од вкупните бодови, Хрватска е во втората најдобра категорија земји, заедно со Србија (71), Словенија, Норвешка, Унгарија и Велика Британија.
Македонија пак, се наоѓа во медиум категоријата, со 68 проценти на успешност, заедно со Германија, Австрија, Италија и Бугарија.
На самото дно на рангирањето е Албанија како последна со само 13% од вкупните бодови, а над неа се Ерменија, Полска и Ирска.
