Скопскиот плоштад „Македонија“ синоќа беше претворен во голема концертна сцена на која се сретнаа македонската музичка елита и едно од најголемите имиња во светската опера. Грандиозниот музички спектакл беше организиран по повод 35 години од независноста, а главна ѕвезда на вечерта беше светски познатиот шпански тенор Хосе Карерас.
Покрај настапите на бројни македонски музички легенди, еден од највпечатливите моменти беше заедничкиот настап на Каролина Гочева и Хосе Карерас.
Посебен ефект создадоа златните кристални детали, кои дискретно ја разбија белата површина и ѝ дадоа на комбинацијата свечен, речиси филмски карактер. Целото издание е дело на дизајнерот Марков, додека стајлингот беше заокружен со потписот на Јована Зука.
Наместо тешка сценска шминка, акцентот беше ставен на природниот изглед, додека фризурата во препознатлив холивудски стил совршено се вклопи со елегантната линија на комбинацијата.
Сепак, највпечатливиот момент дојде кога Каролина застана на сцената покрај Карерас. Во вечер исполнета со настапи на некои од најголемите македонски музички имиња, нејзиниот вокал беше дел од спектаклот што го следеше преполниот плоштад – вечер во која музиката и гламурот беа во совршена хармонија.
Каролина ја воодушеви публиката со својот беспрекорен вокал, а особено емотивно прозвуче нејзината интерпретација на „Ако згрешам нека изгорам“. Но, покрај музичкиот настап, вниманието на публиката го привлече и нејзиното впечатливо сценско издание.
Поп-дивата уште еднаш покажа зошто важи за една од најголемите македонски модни икони. За свечената вечер, Каролина избра раскошна бела креација – долг фустан со чиста, издолжена силуета, надополнет со кратка наметка.
View this post on Instagram
