Емотивна приказна за пријателството со Каролина Гочева објави Тамара Тодевска со нивна заедничка слика на инстаграм.
И Тамара и Каролина ќе пеат на прославата на Нова година на Плоштадот „Македонија“ во Скопје, како што неодамна објавија од Град Скопје. Двете пејачки се сликаа на прес-конференцијата по тој повод, а Тамара напиша:
– Од 91 па навака: Иста љубов, иста поддршка, иста среќа кога ќе се видиме. Те сакам Каролина Гочева- напиша Тамара Тодевска. Истата приказна ја споделила и Каролина и напишала: „Те сакам Тамарке моја“.
Инаку, голем број луѓе доцнсе собраа на Плоштадот „Македонија“ во центарот на Скопје за да присуствуваат на свеченото осветлување на големата новогодишна елка.
Заедно со предновогодишното осветлување на центарот на Скопје, со ова беше отворен и празничниот базар. До 31 декември, секој ден од 18 часот ќе има богата празнична програма, со музички настани.
