Пејачката Анабела Атијас не ја крие радоста што ја чувствува во улогата на баба, а најголема среќа ѝ носат нејзините внуки Лана и Миа, ќерките на нејзината наследничка Луна Ѓогани.
Таа и претходно јавно истакнуваше дека со девојчињата има исклучително блиска врска, а нивните заеднички моменти често ги споделува и со своите следбеници на социјалните мрежи.
„Во новиот вајб, ќе ги гледате Лана и Миа како прават новогодишни колачиња“, напиша Луна во објавата.
Овојпат, Анбела беше меѓу првите што реагираа на новите фотографии кои Луна ги објави на Инстаграм. На нив може да се види како малите Лана и Миа, во празнична атмосфера, се во центарот на кујната и со голем ентузијазам учествуваат во подготовката на новогодишни колачи.
Топлиот семеен призор разнежи многумина, а бабата не остана рамнодушна. Под фотографиите таа остави краток, но искрено емотивен коментар, со кој ја искажа својата љубов и гордост кон внуките.
„Си ги бакнувам и двете по очињата најубави, души мои сакани“, искоментира Анабела.
Внимание привлекоа и деталите од фотографиите – празничната облека, но и домашната атмосфера во која се забележуваат и икони на ѕидовите, што дополнително ја нагласи топлината и семејниот дух на домот.
