Со судска одлука малиот Александар Поповиќ (7,5) од неодамна живее со татко му, бизнисменот Милан Поповиќ (54), а мајка му Северина Којиќ ќе може да го гледа само двапати неделно и тоа на пет часа, како и секој втор викенд од сабота наутро до недела навечер.
Пејачката, по отвореното писмо во кое го осуди судот кој донесе таква одлука, напиша и текст во кој раскажала како се чуствувала минатата сабота, кога синот на два дена беше кај неа.
– Се будам, 5:37, сабота е. Сопругот ми вели – спиј уште малку. Го бакнувам и му велам – а, не, морам да ја измијам косата, ни доаѓа тој… Александар секогаш ми вели – мама, сакам да заспивам со твојата миризлива коса и за тоа што си топла и мека… Ја сушам косата и се гледам, а во огледалото можам да видам жена која ми вели: Исуши ја косата, нашминкај се, облечи го оној домашен фустан кој тој го сака. Ти доаѓа тој. Доаѓа мојот син во 10 часот. И моите мисли наеднаш се распрскуваат, бидејќи тој се претвара во секоја моја мисла и секоја моја мисла се претвара во него – напишала Северина.
Северина се потсетила и на своето детство, па овој однос со синот го спореди со себе си и нејзината мајка.
– Ми ѕвони мајка ми околу 7:15 часот и ми вели по далматински – алооо, доаѓам и јас од Сплит. Ми доаѓа мојата мајка, на мојата среќа и нема крај. Секогаш знаела како и на кој начин ми треба. Се чудев како ми дава шамивче пред да кивнам, знаеше кога ќе се разболам и по ѕвончето знаеше каква оцена сум добила на училиште. Мислев дека има посебна моќ на знаење. Сега, кога сум мајка, знам како всушност знаела. Едноставно знаеш – раскажала Северина за хрватски медиум.
