Дали некогаш сте си го слушнале вашиот глас на аудио или видео запис и сте си помислиле – зарем вака звучам? Не сте единствени.
На многу луѓе не им се допаѓа звукот на сопствениот глас. А причината лежи во комбинација на психологија и физиономија на човечкото тело.
Како прво, звукот на сопствениот глас што го слушаме од снимката се пренесува во нашиот мозок поинаку отколку звукот што се создава кога зборуваме. Гласот од снимката и гласот додека зборуваме патуваат до нашиот мозок на два различни начини.
Додека слушаме снимка од нашиот глас, звукот патува низ воздухот до нашите уши, што се нарекува воздушна проводливост. Поради звучната енергија вибрираат тапанчето и малите коски на увото, кои потоа ги пренесуваат звучните вибрации до делот од увото наречен полжав, кој ги стимулира нервните завршетоци и на тој начин доаѓа до звучниот сигнал во мозокот.
Од друга страна, додека зборуваме, звукот на нашиот глас стигнува до внатрешното уво на поинаков начин. Додека помал дел од звукот се пренесува преку воздух, поголем дел се пренесува внатрешно, директно преку коските на черепот. Снимениот глас може да звучи погласно, што остава многумина во неверување.
Постои уште една причина зошто слушањето снимка од сопствениот глас може да биде „разочарувачко“. Тоа е навистина нов глас, кој ја открива разликата помеѓу нашата перцепција за себе и реалноста. Бидејќи нашиот глас е единствена и важна компонента на идентитетот, оваа несовпаѓање може да биде вознемирувачко за многумина. Одеднаш сфаќаме дека другите луѓе слушале нешто друго цело време. Не бидете строги кон себе. Вашиот глас дефинитивно е единствен.
