Популарниот пејач Зејн Малик апелираше до британскиот премиер Риши Сунак и побара бесплатен оброк за учениците од училиштата, пишува Dazed.
Зејн Малик рекол дека како дете секогаш јадел школски оброци бидејќи живеел во сиромаштија.
„Знам што е срам, го видов тоа од прва рака додека растев во Бредфорд, се потпирав на бесплатни училишни оброци. Јас лично ја доживеав стигмата поврзана со несигурноста во храната “, напиша пејачот на Инстаграм.
View this post on Instagram
Во моментов, во Англија и Велс, децата на возраст меѓу четири и 16 години имаат право на бесплатен училишен оброк доколку живеат во домаќинство кое добива социјална помош од државата или има одредени заеми. Меѓутоа, во Англија, четири милиони деца се соочија со несигурност во храната во септември 2022 година.
„Овие деца страдаат од недостаток на концентрација, некои дури прибегнуваат кон крадење храна од училишните кафетерии бидејќи се многу гладни, но не можат да си дозволат да купат ручек. Тие исто така доживуваат чувство на срам, што директно влијае на нивното физичко и ментално здравје“, изјави Малик обраќајќи му се на премиерот Сунак.
Пејачот побара од премиерот на Велика Британија да напише во буџетот, кој ќе биде усвоен на 17 ноември, обврска на сите деца кои живеат во сиромаштија да им се обезбеди бесплатен училишен оброк.
