Минатиот февруари холивудскиот свет и сите негови обожаватели добија страшни вести бидејќи беше потврдено дека актерот Брус Вилис боледува од фронтотемпорална деменција (FTD).
Оттогаш, актерот од хит филмовите „Армагедон“, „Палп фикција“ и „Шесто сетило“ постепено исчезнува од јавниот живот, а неговата сопруга, моделот и актерка Ема Хеминг Вилис е одговорна за давање информации на јавноста за состојбата на неговото здравје.
Како резултат на неговото нарушување, Вилис беше принуден да се повлече од шоу-бизнисот во март 2022 година.
По пензионирањето, здравјето на ѕвездата од „Умри машки“ се влошува како што одминуваат деновите. Извори блиски до актерот велат дека болеста станува се покомплицирана и дека му е многу тешко да води нормален разговор.
Ема, со која Вилис се ожени по завршувањето на бракот со актерката Деми Мур, сакаше да даде повеќе информации за неговото здравје и тоа го стори со споделување на неколку стории на својот Инстаграм профил.
Прво таа им се заблагодари на сите обожаватели на актерот, кои постојано му испраќаат пораки за поддршка и охрабрување. Ема ги нарече „толку љубовни и грижливи“.
Ема, исто така, сакаше јасно да стави до знаење дека се чувствува многу среќна што е дел од оваа заедница за поддршка на Брус за време на неговата борба со фронтотемпоралната деменција.
И покрај тоа, актерката мораше да признае и дека болеста на нејзиниот сопруг се влошува и се комплицира.
„Кога живеете во светот на деменцијата, знаете дека опциите се мали“, призна таа.
Според извори блиски на семејството, за жал, докторите ги опишале опциите за лекување како „многу слаби“, иако и Ема како и поранешната сопруга на Вилис, Деми Мур, прават се во однос на негата на глумецот кој се повеќе тоне во болеста.
