Се огласи легендарниот пејач по веста за смртта на Бора Ѓорѓевиќ.
Јавноста ширум регионот денеска беше шокирана од веста за смртта на музичарот Борисав Бора Ѓорѓевиќ, фронтменот на култната група „Рибља чорба“. Рокерот долго време се бореше со хронична опструктивна белодробна болест, поради што беше хоспитализиран во КБЦ Љубљана, каде што почина на 72-годишна возраст.
По овој повод се огласи и пејачката легенда Здравко Чолиќ, кој во емотивна објава на социјалната мрежа Инстаграм со потресни зборови се прости од покојниот рокер.
View this post on Instagram
– Бора. Нашиот добар Бора. Голем уметник кој замина прерано. Работевме и се дружевме над 45 години. Првата песна што ја напиша за мене беше „Продужи даље“, а се сеќавам дека тоа беше всушност првата песна што ја напиша за некој друг, а не беше за неговиот бенд. Што може да се каже за неговите текстови, за неговите песни. Уметнички дела. Уметнички дела кои секогаш ќе не потсетуваат на Големиот Бора! Ти благодариме за сè! Секогаш ќе бидеш во нашите срца – напиша Чолиќ во својата емотивна објава приложувајќи стара фотографија со Ѓорѓевиќ.
Потсетуваме, според менаџерот на групата, обдукција нема да биде извршена, а Бора ќе биде погребан во родниот Чачак, како што самиот сакал.
