Јелена Карлеуша и Ана Николиќ по повеќе од пет години тензии, конечно ставија крај на нивниот конфликт.
Поп-ѕвездата Карлеуша преку социјалната мрежа Икс јавно ѝ даде поддршка на својата колешка за најавениот концерт во белградската Арена, со што јасно стави до знаење дека меѓу нив повеќе нема лоша крв.
„Со сето срце ја поддржувам најавата за концертот на Ана Николиќ во БГ Арена. Заслужи одамна“, напиша Карлеуша.
Да потсетиме, двете пејачки некогаш беа во коректни односи, па дури и заедно гостуваа во телевизиски емисии. Особено се памети нивното појавување во 2016 година во „Амиџи шоу“, кога пред камерите разменија и бакнеж.
Сепак, нивниот однос нагло се влоши, по што следуваа низа јавни препукувања и тешки зборови. Во јавноста се шпекулираше дека една од причините за конфликтот е односот на Николиќ со Светлана Цеца Ражнатовиќ.
Во еден период, Карлеуша дури изјави: „Извини, на која Ана мислиш? Тоа прашање постави ѝ го на Цеца, со такви жени не комуницирам“, алудирајќи на тогашните коментари за изгледот на Николиќ.
Конфликтот дополнително ескалираше со меѓусебни навреди, а Карлеуша во еден момент изјави дека Николиќ е на „пат без враќање“ и дека ѝ е потребна помош. Николиќ не остана должна и возврати со свои остри коментари.
Сепак, во меѓувреме ситуацијата значително се смири. Николиќ престана со јавни критики, па дури на социјалните мрежи споделуваше и стихови од песните на Карлеуша.
Последната поддршка од Карлеуша се толкува како дефинитивен крај на нивниот долгогодишен конфликт и нов почеток во односите меѓу двете пејачки.
