Џорџина Родригез и Кристијано Роналдо со години се еден од најатрактивните парови во светот, чија врска е честа мета на светските медиуми.
Сепак, се чини дека Португалецот и Шпанката со аргентинско потекло минуваат низ сериозна криза, а се претпоставува дека нивната врска е всушност само шоу за јавноста.
Последниве денови многу се зборуваше за нивната врска. Шпанските медиуми објавија детали кои сугерираат дека парот минува низ тежок период, а гласините ги подгреа видеото од божиќниот подарок што Џорџина му го даде на Роналдо. Имено, се работи за скап автомобил, Ролс Ројс, но и покрај изненадувањето, во видеото недостига хемија меѓу двајцата.
– Студенилото меѓу двајцата доаѓа до израз секој пат се повеќе, како што на пример е случај во последното видео што го објавија – забележаа новинарите во емисијата Социјалите.
Покрај тоа, тие го споредија видеото од божиќниот подарок со видеото од февруари минатата година кога Џорџина му подари на Роналдо уште еден автомобил. Додека на видеото од овој Божиќ парот речиси и не се погледнува, во старото видео од пред речиси една година постојано разменуваат погледи и нежности еден кон друг.
View this post on Instagram
Cristiano Ronaldo gifted £150k Cadillac Escalade by Georgina Rodriguez for 37th birthday pic.twitter.com/VjWz9L46n6
— BeanymanSports (@BeanymanSports) February 7, 2022
Но, во Латинска Америка се зборува дека парот е сè уште заедно само поради високите рекламни и спонзорски договори и луксузниот начин на живот. Причина за кризата е одложувањето на венчавката која Џорџина ја очекуваше и планираше, како и разочарувањето на Роналдо на Мундијалот.
Да потсетиме, парот е заедно од 2016 година и заедно гледаат пет деца, од кои две родила Џорџина, а другите ги добиле преку сурогат мајки.
