Раперот Пи Диди изјави дека е подготвен да плати 50 милиони долари за неговото ослободување. Ова го пренесува TMZ.
Музичарот бил подготвен да ја подари својата куќа во Мајами вредна 48 милиони долари, како и куќата на неговата мајка за 2 милиони долари. Сепак, судот го одби барањето на адвокатите на раперот.
На П. Диди му се заканува доживотен затвор или минимум 15 години затвор доколку биде осуден за три точки од обвинението за заговор за рекетирање, сексуална трговија и транспорт на лица за проституција.
Обвинителите рекоа дека продуцентот ги заведувал жените давајќи им дрога, ветувајќи им финансиска поддршка и романтични врски, а потоа користел тајни снимки од сексуални дејствија како уцена за да обезбеди молчење на жените, а понекогаш и заканувајќи им се со пиштол.
Во јули, поранешната порно-актерка Адрија Инглиш го обвини Комбс за трговија со луѓе и злоупотреба. Таа од него барала отштета од 50 милијарди долари. По ова следеа обвинувања од други жени.
