Неуморните раце на 88-годишната баба на пејачката Евгенија Здравевска, позната како Зарина Првасевда направиле рај од нејзиниот двор. Зарина сподели многу убаво видео на коешто се гледа колку е вредна нејзината баба Бока.
Иако како што вели пејачата на видеото целото семејство ја тера да одмара и да ужива, таа не ги слуша и постојано нешто си чепка, си копка низ дворот. Посадила домат, ајварки, јаготки…
Зарина ѝ вели зошто не си одмара, зошто се мачи, а таа ѝ возвраќа дека не направила ништо.
„Ами бабе, и тоа е досадно, јас ништо не правам, ни копам, ни ништо, ги посадив и толку“, не признава бабичката.
Баба Бока вели дека сè насадила за неа.
И шетајќи така Зарина и воодушевувајќи се на зеленилото во нејзината дедовина, одеднаш си најде нешто вкусно. Пејачката забележа една румена јаготка што си ја скина за да си ја изеде.
Има ли поубаво од тоа да јадеме органски плодови од дворот. Секоја чест за оваа интересна бабичка, која сме ја запознале и претходно благодарение на тоа што Зарина ја споделува на социјалните мрежи.
