Сеид Мемиќ Вајта беше фронтмен на групата „Тешка индустрија“ во текот на 1975 и 1976 година и брзо го стекна статусот на еден од најинтересните ликови на југословенската музичка сцена. Неговиот глас и харизма оставија неизбришлив белег на поп и рок музиката на поранешна Југославија.
Еден од најзначајните моменти во неговата кариера беше неговиот настап на Евровизија во 1981 година. Вајта ја претставуваше Југославија со песната „Лејла“ и го освои 15-то место. Настапот на Евровизија останува еден од симболите на неговата кариера и потврда за неговиот уметнички придонес на југословенската музичка сцена.
Кога настапувал на Евровизија, Неда Украден му пеела придружни вокали.
Вајта рано останал без татко, што го принудило да заработува за живот на петнаесетгодишна возраст. Работел на разни работни места – во фабрика, како молер, кројач, па дури и во леарница во Австрија. По враќањето од странство во 1971 година, почнал да дизајнира и да продава хипи накит, а истовремено пеел во групата „Везири“.
Денес, иако плаќал придонеси веќе 40 години, Ваита се соочува со скромен приход во пензија – 326 марки, или околу 172 евра. Ова дополнително фрла светлина врз тешката реалност на многу уметници кои придонеле за културата во своите кариери, но немаат соодветна материјална сигурност во староста, пишува Story.rs.
