Манекенката Данијела Димитровска се омажи на 27 јануари за Јеврем Косниќ, а нејзиниот изглед како невеста со денови беше тема во јавноста, особено затоа што носеше бел фустан од Викторија Бекам.
Поранешната сопруга на Огњен Амиџиќ постојано работи на себе и со текот на годините нејзиниот изглед се менувал. Таа во повеќе наврати истакнала дека нема ништо против естетските корекции, доколку се направени со мера. Така, и самата се подложила на помали интервенции – ги зголемила усните, а забележливо е и дека правела корекции на забите.
За разлика од венчавката со Амиџиќ, Данијела овојпат не носеше раскошна венчаница, иако не е исклучено тоа да се случи кога таа и Јеврем ќе организираат поголема свадбена прослава за поширок круг гости.
Сепак, во видеото може да се види како манекенката и водителка изгледала во 2012 година, кога се омажи за Огњен Амиџиќ.
Данијела и Огњен се венчаа на 27 мај 2012 година, по две години врска. Тој тогаш имал 36 години, а таа 11 помалку. По венчавката во црквата „Пресвета Богородица“ во Земун, свадбената поворка се упатила кон луксузен ресторан, каде што младенците, под отворено небо и пред матичар, си се заколнале на вечна љубов.
