Пејачката Теја Дора со песната „Рамонда“, покрај Бресквица, е главен фаворит за српски претставник за Евровизија.
Но сепак, според бројните фанови кои ги собра околу себе, Теја Дора ќе ја победи Бресквица на српскиот избор за песна за Евровизија – така барем сметаат симпатизерите на оваа пејачка.
Теја Дора во уметничките кругови е позната како авторка на бројни хитови, а соработувала со бројни имиња од регионалната естрадна сцена.
Оваа млада авторка се најде во центарот на вниманието на јавноста кога доживеа вртоглав успех со песната „Џанум“. На српскиот избор за песна за Евровизија, таа настапи со песната „Рамонда“ и собра многу фанови кои навиваат за нејзина победа. Многумина сметаат дека таа сериозно ја разнишала позицијата на Бресквица.
– Родена сум во Бор, на дваесетина километри од планината Ртањ, каде всушност нашиот ботаничар Јосиф Панчиќ прв во светот пронашол примерок од рамонда и утврдил дека тоа е ендемичен вид растение кое тука растело пред милиони години. Тоа го учевме и на училиште, а беше и општествено познато затоа што сите ние од Тимочка краина сме многу горди на рамонда. Инаку, за време на мојот последен престој во Париз, предминатата година, знаењето за симболиката на рамонда ми го дополни пријателката на мајка ми Билја. Таа ми зборуваше за растението рамонда, и мене та ми беше многу интересно, вели таа за српски Курир.
