Поминаа скоро три години по сообраќајната несреќа во која недалеку од Билефелд-Германија загинаа Шабан Шаулиќ и Мирсад Кериќ, а со тешки повреди се здоби Слободан Стојадиновиќ. Денес во Гитерсло се одржа судењето на Турчинот Алсин Левент кој ја предизвика несреќата.
Тој беше осуден на три години затвор, а по пресудата се огласи сопругата на покојниот пејач за „Blic“.
„Tажни сме и разочарани, не поради висината на казната, бидејќи уште од почетокот знаевме дека германскиот закон не предвидува долгорочна затворска казна за такво дело. Нашата несреќа е затоа што по три години не видовме ни трага на каење во очите на тој човек кој одзеде два животи и две семејства ги зави во црно“, изјави за „Blic“ вдовицата на пејачот, Гордана Шаулиќ, која присуствуваше на судењето заедно со синот Михајло и ќерката Санела.
„На крајот на краиштата, очекувавме да видиме барем трошка човечност во него, но тоа не се случи. Судијата и обвинителот професионално си ја завршија работата и ние сме им благодарни и им благодариме на сите оние кои нè поддржуваа и сочувствуваат со нас од трагедија, со нашата болка, а тоа се милиони луѓе ширум светот. Горди сме затоа што Шабан не е и нема да биде заборавен за нив“, додаде таа.
PRESUDA: Tri godine i 3 meseca zatvora za Leventa A. – izrečena presuda u sudu i Giterslou
— DW Српски/Srpski (@DW_Srpski) January 20, 2022
