По петгодишна пауза, Калиопи се враќа со концерт. Вечерва ќе настапи во Велешки театар, а како што најави, ќе изведе песни од разни периоди на нејзината кариера.
Неодамна музичарката на своите обожаватели на Фејсбук ја откри нејзината омилена македонска традиционална песна, Калеш Анѓа.
Веруваме дека Велешани ќе уживаат и во оваа изведба.
„За добра ноќ….предконцертно…Така ми надојдоа емоции… Една од најубавите, а мојата омилена македонска традиционална песна- „Калеш Анѓа”…Оваа изведба ми е посебно драга, бидејќи ја изведувам во придружба на големиот тамбурашки оркестар на Радио Телевизија Војводина…“ – напиша на својот Фејсбук профил Калиопи.
Инаку, таа досега има одржано три солистички концерти во Велес: првиот беше во рамките на турнејата „На пат по Македонија“, па настапи на нејзиниот роденден на 28 декември 2005 во малата сала на Општина Велес и третиот беше на Питијадата во 2015.
