Мими Јовановска и Филип Нуневски уживаа на концертот на хрватскиот пејач Јаков Јозиновиќ, кој настапи на сцената на Античкиот театар во Охрид. Сепак, вечерта ја одбележа нивниот тригодишен син Никола, кој со својата енергија и љубов кон музиката покажа дека е голем обожавател на популарниот музичар.
Малиот Никола на концертот дошол подготвен со детски микрофон, а во текот на настапот ги пеел речиси сите песни, знаејќи ги стиховите и уживајќи во секој момент од концертната атмосфера.
Неговата мајка Мими на социјалните мрежи објави видеа од вечерта и откри дека за нејзиниот син ова било исполнување на голема желба.
„По сите пораки што ми ги пративте, Никола едноставно морав да го имам и тука. Мислам дека нема поголем фан од него. Цел концерт не престана да пее, секоја песна од почеток до крај. Толку многу го сака Јаков, а оваа вечер конечно му се исполни желбата да го слуша во живо“, напиша Мими.
Од снимките може да се види дека Никола со голем ентузијазам ја следи секоја песна, пее заедно со Јозиновиќ и не го испушта микрофонот од рака, целосно препуштен на концертната атмосфера.
View this post on Instagram
