Мартија Станојковиќ искрено раскажа дека татко ѝ многу се лути кога таа се облекува провокативно и се слика во тоалет.
Младата и популарна пејачка од Куманово, позната по својот специфичен глас, но и по храбриот моден израз, во поткастот „Урок“ со Сергеј Варошлија зборуваше за тоа како нејзиното семејство реагира на нејзиниот имиџ.
Додека од мајка си, братот и сестрата ужива безрезервна поддршка, Мартија признава дека нејзиниот татко има малку поинакво мислење кога станува збор за нејзиниот визуелен идентитет.
Пејачката откри дека нејзиниот татко не е голем поддржувач на нејзините поекспонирани фотографии на социјалните мрежи. Таа се присети на една случка во која татко ѝ бурно реагирал.
„Не е фан да ме гледа во многу провокативни изданија. Кога ќе се разголам нешто… еднаш ми имаше речено, ја виде сликата и ми рече: ‘На ништо не ти личи оваа слика’. Се сликав во тоалет, носев еден краток фустан со црни хулахопки и со некои пердуви на штиклите. Му беше грдо што сум се сликала во тоалет во таков фустан“, раскажува Мартија.
Мартија сепак додаде дека нејзините најблиски постепено се помируваат со фактот дека таа е уметник и дека нејзината професија бара одреден имиџ.
„Реално, беше малку чудно, но мислам дека се помирија со тоа дека професијата едноставно ти налага да се однесуваш како што се однесуваш и да изгледаш како што изгледаш“, објаснува таа.
На прашањето дали размислувала за одредени интервенции на своето тело, Мартија рече дека поголеми гради не би одговарале на нејзината ситна конституција.
View this post on Instagram
