Сенида, синоќа го одржа третиот од четирите закажани концерти во Сава центар во Белград, а нејзините колешки Марија Шерифовиќ и Јована Пајиќ ѝ дадоа најголема поддршка од првите редови.
Иако пејачките се забавуваа одлично, вистинскиот хит на социјалните мрежи се појави дури утрото по концертот.
Имено, Марија се снимаше себеси и својот син, малиот Марио, на кого му постави едно сосема обично прашање, не знаејќи каков одговор ќе добие.
Пејачката го праша својот наследник: „Каде бев синоќа?“.
А, момчето одговори на тоа, како од топ: „Кај Сенида“.
Шерифовиќ беше целосно изненадена од неговиот брз одговор, па таа го праша со смеа: „Од каде знаеш за тоа?“.
Сепак, малиот Марио не се збуни, и само повтори: „Сенида“.
Овој пресладок момент брзо ги освои срцата на јавноста, а познато е дека Марија и Јована дојдоа на концертот на лична покана на пејачката.
