„Луѓе, навистина не знам што да кажам, кога ќе дојдам при себе ќе бидам малку поелоквентен“, изјави Лука Блек синоќа по победата на изборот за песна на Евровизија на Србија.
По две полуфинални вечери на „Песни за Евровизија“, 16-те најдобри натпреварувачи во финалето се бореја за победа за да заминат во Ливерпул и да ја претставуваат Србија на ова престижно музичко натпреварување.
Победата ја извојува Лука Блек со песната „Само ми се спава“.
– Луѓе, навистина не знам што да кажам, кога ќе дојдам при себе ќе бидам малку поелоквентен. Ви благодарам многу – изјави Лука Блек по објавувањето на победникот.
Актерот Милан Мариќ и Драгана Косјерина ја водеа публиката низ програмата на главната сцена.
Сите приходи од СМС гласањето одат за хуманитарни цели.
