Писателката Ксенија Николова отворено проговори зa падовите и борбата на патот кон остварувањето како мајка.
Во разговорот во поткастот „Мама не си сама“, таа направи разлика помеѓу самата желба за родителство и тежината на самиот процес кој често знае да биде исцрпувачки.
На прашањето дали имало моменти кога помислила да се откаже од желбата да се реализира како мајка, Ксенија рече дека такво нешто не се случило.
„Од желбата секако дека не. Од желбата не може да ти се… нели, желбата е една константа“, рече писателката.
Сепак, таа признава дека неуспешните обиди и тежината на целиот пат можат да создадат огромна аверзија кон самиот процес, водејќи до моменти на длабок замор и желба за кревање раце од сè.
Николова вели дека патот до мајчинството носи моменти на криза, особено кога жената за првпат се соочува со сите физички и емотивни предизвици кои тој ги носи со себе.
„Како не, од процесот на… апсолутно. Поготово тој процес кој го искусуваш, кога го искусуваш за првпат. Тогаш е еден навистина голем, голем залак за кој не си ни свесен дека ќе бидеш спремен да го голтнеш, нели, баш така“, искрена е Ксенија, која повеќепати отворено зборуваше за неуспешните обиди да забремени.
View this post on Instagram
