Српската пејачка Сара Јовановиќ, попозната како Сара Јо успешно го криеше својот емотивен живот долго време, сè до врската со Жига Столар, со кого помина пет години, но нивната емотивна врска неодамна беше прекината.
Откако се појави веста за крахот на нејзината врска, Сара Јо повторно е во центарот на вниманието на јавноста.
Пејачката неодамна беше видена во еден белградски локал во интимно издание со Алексеј Бјелогрлиќ, синот на актерот и режисер Драган Бјелогрлиќ, а видеата објавени на социјалните мрежи покажаа дека изгледале многу блиски, пишува српски „Телеграф“.
Како што дознава „Телеграф“, двојката не се осврнувала на погледите на присутните гости. Во текот на вечерта тие се однесувале опуштено, разменувале нежности, се гушкале и уживале во меѓусебното друштво, додека хемијата меѓу нив била повеќе од очигледна.
Алексеј Бјелогрлиќ, кој во јавноста последен пат се појавил со тогашната партнерка на почетокот на годината на премиерата на филмот „Свадба“, очигледно свртел нов лист, а неговото појавување со Сара Јо веднаш предизвика лавина од коментари дека се впуштиле во романса.
Инаку, Сара Јовановиќ и нејзиниот партнер, словенечкиот кореограф и танчер Жига Сотлар, ставија крај на нивната долгогодишна врска.
Двојката веќе некое време не објавува заеднички моменти на социјалните мрежи, а фактот дека бројни заеднички фотографии и спомени се отстранети од нивните профили го привлече вниманието на јавноста.
Последната трага од нивната врска на нејзиниот инстаграм-профил датира од 2025 година, додека Жига Сотлар претходно ги отстранил речиси сите заеднички објави од својот профил, па меѓу последните се од 2024 година, оставајќи претежно професионални соработки.
Дополнителни шпекулации за раскинувањето беа поттикнати од неодамнешниот настан на инфлуенсерката Дуња Јованиќ, на кој Сара дошла со Жига Сотлар, но таа не го покажа на никакви фотографии или видеа на објавите што ги сподели од истиот настан следниот ден.
Да потсетиме, Сара Јовановиќ и Жига Сотлар ја започнаа својата љубовна приказна во ноември 2021 година сосема спонтано, откако се запознаа преку социјалните мрежи, а подоцна се сретнаа во Будва.
