Ким Кардашијан се прослави откако протече порно снимка помеѓу нејзе и тогашното момче Реј Џеј во 2007 година. Набргу потоа, таа и нејзиното семејство го лансираа шоуто „Keeping Up With the Kardashians“. Оваа порно снимка живее во поп културата и е облак кој не ја напушта старлетата.
Канје Вест тврди за „Hollywood Unlocked“ дека, и покрај неговиот тековен развод со Ким Кардашијан ѝ ја направил најголемата услуга кога спречил да протече втора порно снимка со Реј Џеј.
„Отидов и сам го земав лаптопот од Реј Џеј таа вечер. Го сретнав овој човек на аеродромот, потоа се качив на авион, се вратив и ѝ ја доставив во 8 часот наутро“.
Канје го продолжи разговорот, објаснувајќи дека на Ким толку ѝ олеснило од глетката на лаптопот што се расплакала.
„Таа заплака кога го виде. Знаеш зошто плачеше кога го виде тоа на лаптопот? Затоа што претставува колку е искористена“, рече раперот. „Тоа покажува колку луѓето не ја сакале, а ја гледале само како стока“.
Портпаролот на Ким Кардашијан го потврди постоењето на лаптопот, но негираше постоење на каква било експлицитна содржина.
„Компјутерот и хард дискот требаше да го содржат оригиналното видео и каква било невидена снимка. По прегледот, немаше ништо сексуално што е невидено, само снимки во авионот на пат за Мексико и снимки во клуб и ресторан на истото патување“, стои во соопштението.
„Ким останува цврста во нејзиното верување дека не постои втора порно снимка. По 20 години, таа навистина сака да го остави зад себе овој инцидент и наместо тоа да се фокусира на позитивните работи што продолжува да ги прави како мајка, претприемач и некој што се залага за реформи во правосудството“.
View this post on Instagram
Извор за „Page Six“ вели дека Кардашијан била „многу емотивна“ кога нејзиниот отуѓен сопруг се вратил со компјутерот и хард дискот.
„Ким беше и сè уште е навистина благодарна на Канје што ги зеде назад. Снимката ѝ предизвика многу болка и продолжува да ја прогонува до ден-денес. И покрај тоа што тие повеќе не се заедно како пар, тие остануваат усогласени со истите грижи за тоа како оваа содржина што продолжува да се користи против неа ќе влијае на нивните четири мали деца во иднина“.
